"我的如意狼君"爛結局

被"我的如意狼君"結局瘧死我了, 而且仲係TVB公式爛結局, 個男主生死未卜, 個女主等佢, 然後過左X年都等唔到, 播D懶感人既背景音樂, OVER......睇完鬱結死我

你想玩淒美, OK. 但唔係咁編排同表達法.
唔感動不止, 我仲覺得好好笑. 劇情好不合理, 佟本善既然有那個力氣去走來走去, 點解唔用個D力去醫院醫好自己? 叫完人去救爾喬先, 等那個人返來咪可以再救你囉, 點解走左去? 跟住夜晚同原醫生講完野又走...

仲有我想問, 你愛徐芯多D定愛自己多D? 如果你係愛徐芯多D就應該救左自己先, 等你可以照顧佢一生一世; 而唔係救左爾喬先, 還返俾佢等自己良心好過D, 但淨返徐芯一個咁殘忍. 仲好似懶偉大懶善良咁.
仲要上船去死, 等人搵唔到條屍. 想徐芯仲抱有希望去等你等一世? 真係好自私

我想講:唔係死人就叫煽情, 唔係有淚就叫感動, 唔係唔可以係一齊就叫遺憾美. OK?

啊不, 係我錯, 因為"狼君"太好看先對佢有期望, 但希望越大失望越大, TVB D戲一向到左結局就草草了事, 我不應該抱有期望才對.

反而"天與地"結局好感動, 好治癒. 林保怡失去左好多輸左好多, 但最後佢驘返自己既良心. 以前佢食左家明保住自己條命, 但無左良心; 宜家佢救既細路叫家明, 就好似還返俾佢咁, 而且得到返自己既良心. 編劇是特意用家明呢個咁普通既名.
就算大家想法唔一樣, 但係音樂入面大家心靈相通, 可以互相理解同感受對方, 亦係夾BAND既意義. 佢地真心鍾意音樂, 就算曾經迷失, 但在音樂中又找回自我.
最後還有另一個選擇既結局, 完左觀眾心願, 係TVB難得既好結局.

2012年1月4日下午2:38